Судланувчи, 2025 йил май ойининг бошларидан ўзи раҳбарлик қилиб келаётган, Хатирчи туман Зарафшон қишлоғидаги “Elegant gold Fish-777” МЧЖга фойдаланиш учун ажратиб берилган 3 гектар дала ер майдонига, мош экинлари орасига таркибида гиёҳвандлик воситаси мавжуд бўлган олти туп тақиқланган каннабис гиёҳвандлик ўсимлигини 2025 йилнинг июль ойига қадар парваришлаб, атрофини бегона ўтлардан тозалаб, етиштириб келган. Бу ҳолат туман ИИБ ходимлари томонидан 2025 йилнинг 1 сентябрь куни ўтказилган “Қорадори – 2025” тезкор-профилактик тадбирининг 2-босқичида аниқланиб, Ф. Ҳакимовдан тақиқланган каннабис ўсимликлари далилий ашё тариқасида ҳужжатлаштириб олинган.
Судда сўроқ қилинган Ф. Ҳакимов, айбига тўлиқ иқрорлик билдириб, дастлабки терговда берган кўрсатувларини тасдиқлади. Ҳозирги кунда қилган ишидан чин кўнгилдан пушаймон эканлигини, оилавий шароитини, ёшини ва соғлиғини инобатга олиб, қонуний енгиллик сўраб кўрсатув берди.
Ф. Хакимовнинг иқрорлик билдириб берган кўрсатувидан ташқари, унинг таъқиқланган экинларни етиштиришда ифодаланган айби, судда муҳокама қилинган ва ҳуқуқий баҳо берилган объектив далиллар билан тўлиқ исботланди.
Юқоридагиларга кўра ва Ўзбекистон Республикаси Конституциясининг тегишли моддаларига амал қилиб, суд судланувчи Ф. Ҳакимовга Ўзбекистон Республикаси ЖКнинг 270-моддаси 1-қисмида назарда тутилган жиноятни содир қилганликда айбли деб топди ва унга шу модда билан 2 йил муддатга озодликни чеклаш жазоси тайинланди. Шунингдек, унга уйидан иш жойигача бориши ва уйига қайтиб келиши учун зарур бўлган вақтдан ташқари вақтларда уй-жойидан чиқиши чекланди.
Шерзод Мамиров,
Жиноят ишлари бўйича Хатирчи туман суди раиси