Тадбирда дастлаб мамлакатимиз Президентимизнинг шу йил 5 март куни Коррупцияга қарши курашиш
бўйича Миллий кенгаш йиғилишида сўзлаган нутқи ва мазкур йиғилиш тафсилотига
бағишланган кўрсатув намойиш этилди.
Намойишдан сўнг судьялар ва тизим
ходимлари Президент нутқидан келиб чиқадиган муҳим вазифалар, коррупцияга қарши
кураш бўйича амалга оширилиш лозим бўлган ишларни муҳокама қилдилар. Бу борада
аниқ чора-тадбирлар белгилаб олинди.
Йиғилиш кун тартибидаги иккинчи масала
Ўзбекистон Республикаси Олий суди раисининг судьялар ва суд ходимларига
йўллаган мурожаатини тизимдаги судья ва ходимларга етказиш бўлди. Мулоқотларда
мазкур мурожаат атрофлича ўрганиб чиқилди. Мурожаатдан келиб чиқиб суд тизимида
коррупциянинг олдини олиш бўйича белгилаб берилган устувор вазифалар, мазкур
жараёнда судьялар ва соҳа ходимларининг ўрни, коррупция иллатига қарши
курашишнинг муҳим механизмлари бўйича иштирокчиларнинг фикр-мулоҳаза эшитилди.
Якунда Президент нутқи ҳамда Олий суд
раисининг мурожаатномаси юзасидан вилоят маъмурий судларида коррупцияга қарши
муросасиз курашиш юзасидан тегишли чора-тадбирлар белгилаанди.
Навоий вилоят суди матбуот хизмати